كود سبور//

كان غياكل الدولي المغربي أمين حارث نجم اولمبيك مارسيليا الفرنسي ضربة جديدة، كانت تقدر تسالي له الكاريير ديالو وهذا الشي فماتش الفريق اليوم السبت ضد برايتون النكليزي فاليوروبا ليك.

وتعرض أمين حارث نجم أولمبيك مارسيليا لتدخل من طرف قاصح وخشن من كول برايتون، تسبب له فجرح فالرجل ديالو، حسب ما كشفت عليه واحد الصورة بعدما سالا الماتش بين الفريقين، لدرجة أن الدم خرج له من التقاشر البيضين اللي لابس، وتبين من بعد أنه كان احتكاك ما بينو بين كول برايتون، مع العلم ان حارث دار ماتش مزيان وكان ورا صناعة الهدف الاول لمارسيليا بأسيست، والمباراة سالات جوج لجوج.

وسبق لأمين حارث تعرض لتدخل خشن من احد لاعبين موناكو الموسم الماضي مع مارسيليا، تسبب له فإصابة فالركبة ودار عملية جراحية وغاب على المنتخب المغربي فمونديال قطر وسالا له الموسم مع أولمبيك مارسيليا.