كود سبور//

كيواصل الدولي المغربي أمين حارث التألق مع فريق أولمبيك مارسيليا الفرنسي وساهم فالفوز ديالو الثلاثاء على فريق سبورتينك ليشبون البرتغالي بنتيجة 4 مقابل 1، فالجولة 3 من ليكروب دوري أبطال أوروبا.

https://youtube.com/shorts/wi-i9OSl-xk?feature=share

الماتش كان فيه سبورتينك ليشبون هو السباق للتسجيل مع البداية عن طريق فرانسيسكو ترينكاو، قبل ما ماركي مارسيليا التعادل بواسطة أليكسيس سانشيز فالدقيقة 13، ويمنح له النجم المغربي أمين حارث التقدم بهدف من ضربة رأسية فالدقيقة 16، ويضيف له ليوناردو باليردي البيت الثالث فالدقيقة 28 من بعد الأسيست اللي عطاه حارث، وعزز سانشيز مبيمبا النتيجة لمارسيليا بهدف رابع فالدقيقة 84.

وتمكن أولمبيك مارسيليا الفرنسي من بعد هذا الرباح من تحقيق أول انتصار فالكروب 4 ديال دوري أبطال أوروبا، وتحقيق أول 3 نقاط من بعدما خسر فأول 2 جولات.