كود سبور//

حل الدولي المغربي أمين حارث نجم أولمبيك مرسيليا الفرنسي فأفضل تشكيلة ديال الجولة 3 من دوري ليكروب فدوري أبطال أوروبا، واللي تلعبت الثلاثاء والأربعاء اللي فاتو.

وجا أمين حارث فأحسن تشكيلة ديال دوري أبطال أوروبا إلى جانب عدد من الأسماء اللي متألقة فالكرة العالمية، فحال السنغالي ساديو ماني نجم بايرن ميونيخ الألماني والأرجنتين أنخيل دي ماريا نجم يوفنتوس الإيطالي.

وتم اختيار أمين حارث فالتشكيلة من بعدما تألق بشكل لافت فماتش أولمبيك مرسيليا الفرنسي وسبورتينك ليشبون البرتغالي، وقاد الفريق لتحقيق الرباح بنتيجة 4 لواحد، سجل منها النجم المغربي البيت الثاني وعطا أسيست ديال البيت الثالث.