كود سبور//

تختار الدولي المغربي أمين حارث أحسن لاعب فماتش أولمبيك مارسليا ورين اللي تلعب البارح الاحد، ضمن الدورة 14 من منافسات بطولة فرنسا.

وعلن أولمبيك مرسيليا صباح اليوم الاثنين، أن الدولي المغربي أمين حارث تختار “رجل الماتش” فالمباراة اللي لعب الفريق ضد رين، وهذا الشي بعد الأداء الواعر اللي قدم خلال المواجهة.

وعرفت المباراة أيضا، تألق النجم المغربي الآخر عز الدين أوناحي، واللي ماركا الهدف الثاني ديال أولمبيك مارسليا فالماتش اللي سالا بنتيجة 2 لزيرو.