الرئيسية > تبركيك > أمينوكس ضرو خاطرو على الطوندونس المغربي فيوتوب: كيشدوه غير صحاب “تخربيق”
29/09/2020 20:00 تبركيك

أمينوكس ضرو خاطرو على الطوندونس المغربي فيوتوب: كيشدوه غير صحاب “تخربيق”

أمينوكس ضرو خاطرو على الطوندونس المغربي فيوتوب: كيشدوه غير صحاب “تخربيق”

نجوى المالحي-كود//

أمينوكس كيغبر حتى يغبر ويجي ينوض شي صداع، أخره قال ان قلبو ضرو حيت ما كيطلعش في الطوندونس المغربي.

أمينوكس طلع ليه الدم وعبر على هادشي بالواضح والمباشر، وكتب في ستوري على حسابو في أنستكَرام: “لي بغا يعرف علاش ما كنطلعوش في الطوندونس يسول حليوة.. خاص نسميو الأغنية شريت لجدي سيارة من النوع الخارق”.

وطبعا، هنا كلشي عرف أن أمينوكس كيضرب لمعاني على الفيديو ديال كوثر بامو، لي طلعات في الطوندونس في اليوتوب المغربي بفيديو صوراتو بعدما شرات لباها طوموبيل.

موضوعات أخرى