كود سبور//

خلقت أميمة البوشتي، لاعبة التايكوندو المغربية، جدل جديد، بعدما فشلت فتحقيق ميدالية فأولمبياد باريس 2024.

وقامت اللاعبة المغربية بخطوة غريبة خلات عدد من المتتبعين يستغربوا خاصة أنها بارطاجات صورة ديالها وهي فرحانة فسطوري فأنستغرام، مرفوقة بعبارة “أجمل الرياضيات فأولمبياد باريس”.

وعبر عدد المتابعين ليها فأنستغرام على سخريتهم من أميمة البوشتي، واستغربو واش أنها نشأت تشارك فالتايكواندو فأولمبياد باريس، ولا مشات تشارك فمسابقة ملكة الجمال.

للاشارة فأميمة البوشتي تقصات من ثمن نهائي أولمبياد باريس، والبارح الأحد هي اللي رفعت العلم المغربي فحفل اختتام الأولمبياد مع لاعب البريك دانس بلال الملاخ اللي حتى هو تقصى بكري.