الرئيسية > ميديا وثقافة > أمنستي: عمر الراضي كيواجه “تهم ملفقة” هدفها تسكتو وخاص يتم إسقاطها
06/08/2020 12:00 ميديا وثقافة

أمنستي: عمر الراضي كيواجه “تهم ملفقة” هدفها تسكتو وخاص يتم إسقاطها

أمنستي: عمر الراضي كيواجه “تهم ملفقة” هدفها تسكتو وخاص يتم إسقاطها

عفراء علوي محمدي- كود//

اعتبرات منظمة العفو الدولية “أمنستي” التهم اللي متابع بيها الصحفي عمر الراضي فحالة اعتقال احتياطي هي “تهم ملفّقة، تهدف مضايقة الراضي، والتشهير بسمعته وإسكات صوته”، حسب تعبيرها.

وقالت أمنستي، فبيان ليها، أن تهم هتك العرض بالعنف والاغتصاب، اللي تزادت على تهم تلقي أموال أجنبية بغية المس بسلامة الدولة الداخلية والخارجية، هي “ادعاءات يجب أن تؤخذ دائماً على محمل الجد”، على اعتبار أن “السلطات المغربية لها سجل في توجيه تهم الجرائم الجنسية كوسيلة تكتيكية لمقاضاة الصحافيين والنشطاء في مجال حقوق الإنسان”، كيف قالت.

وطالبات أمنستي بإسقاط اي تهم “زائفة” تلاحق الراضي، والتحقيق بشكل نزيه في الشكوى ضده المتعلقة بالاعتداء الجنسي، على اعتبار ان الراضي كان نفى، فبيان ليه، هذ التهم، وأكد ان علاقتو بالسيدة اللي دعاتو كانت بالتراضي.

وسبق لمنظمة العفو الدولية نشرات تقريرا، في 22 يونيو اللي فات، كتقول فيه بللي الحكومة المغربية تجسسات على تيليفون عمر الراضي، وبمجرد خروج هذ التقرير، بدا الراضي كيتوصل بسلسلة من الاستداعات من طرف الشرطة القضائية، قبل ما يتم اعتقالو.

موضوعات أخرى

26/09/2020 12:30

معهد باستور فليل فشمال فرنسا اكتشف دوا يقدر يكون فعال ضد كورونا.. ومدير المعهد: غادي نديرو تجارب سريرية وإلى تأكدنا انه مزيان غنبداو نخدمو بيه ف2021