وكالات//

سحرات أمل كلوني، مرات الممثل العالمي جورج كلوني، الأنظار فـرجعتها من جديد لـ”السجادة الحمرا” فـ”مهرجان البندقية السينمائي” لعام 2025، وكانت لابسة فستان خطّاف للأنظار فـالعرض الأول ديال فيلم “جاي كيلي”.

أمل، اللي عندها 47 عام، التحات بجورج، اللي فعمرو 64 عام، مع ليل الخميس 28 غشت، من بعد غياب قصير على المهرجان فإيطاليا. وكانو بجوج محط اهتمام الحضور وكل الكاميرات.

أما جورج، فكان غايب على الندوة الصحفية اللي كانت قبل العرض، وحتى العشاء اللي كان مبرمج مع طاقم الفيلم فليلة قبل، ما حضرش ليه، حيث كان كيعاني من التهاب فـالجيوب الأنفية.