كود سبور//

داير الغموض بمستقبل الدولي المغربي سفيان أمرابط، اللي كايلعب مع فنربخشة التركي هذا الموسم بريطي من فيورنتينا الطالياني، وما معروفش شنو غايدير مع نهاية الموسم واش غايبقى فتركيا ولا غيرجع للطالبان، ولا غايمشي لشي بلاصة اخرى.

وكشفت جريدة “takvim” التركية، أن علامات الاستفهام كاينة على مستقبل المغربي سفيان أمرابط مع فنربخشة، ولكن الاسم ديالو كاين على رادار الأندية الأوروبية، وأن زينيت سان بطرسبورگ الروسي باغيين يسنوي معه.

الجريدة الروسية قالت إن جوزي مورينيو مدرب فنربخشة ما بقاش كايلعب سفيان أمرابط مؤخرا كيفما كان من قبل، مع العلم أن اللاعب المغربي مول 28 عام، لعب مع الفريق التركي هذا الموسم 38 ماتش وماركا 2 أهداف، وعطى 3 التمريرات حاسمة، والقيمة التسويقية ديالو واصلة دابا لـ20 مليون أورو.