كود سبور//

عبر الدولي المغربي المخضرم نور الدين أمرابط على الفرحة ديالو، بالالتحاق بفريق هال سيتي النگليزي الممارس فبطولة القسم الثاني فالنگليز، واكد انه واجد وباغي غير امتى يدخل يلعب باش يعاون الفريق.

وقال نور الدين أمرابط في تصريح للموقع الرسمي ديال هال سيتي: “فرحان بزاف حيث جيت هنا، هال سيتي فريق كبير وعندو تاريخ عريق، وراني فرحان حيث وليت جزء من عائلة هال سيتي، وكانتسنا غير امتى نبدا نلعب”.

وكمل المهاجم المغربي مول 38 عام: “النگليز هي احسن بلاد فالكورة وبطولة النگليز هي احسن بطولة فالعالم وبطولة الشومبيونشيب (القسم الثاني فالنگليز) بطولة محترمة الهدف ديالنا هو نطلعو فالترتيب ديال البطولة ونفرحو الجمهور وبغيت نتمتع بالكورة مع صحابي فهال سيتي ونفرحو بالرباح، ونعاون اللاعبين الشباب معيا وراني واجد بدنيا باش نلعب”.