كود سبور//

بقى الحال فالدولي المغربي نور الدين أمرابط لاعب الوداد الرياضي، حيث الفريق خسر من مانشستر سيتي النگليزي ومن وراه يوفنتوس الطالياني برسم الجولة 1 و2 من كأس العالم للأندية واللي تقصاو منها.

وخرج نور الدين أمرابط يعبر على الإحساس ديالو، وقال فتدوينة على إنستغرام: “كانحس بخيبة أمل حيث خسرنا مع مانشستر سيتي ويوفنتوس، واخا لقد لعبنا مزيان وكنا نستاهلو احسن بزاف”.

وأكد نور الدين أمرابط أن الوداد الرياضي خدامين دابا على الماتش الجاي ضد العين الإمارتي باش يربحو ويخرجو بشرف من البطولة، وقال: “خليونا نركزو دابا على الخميس الجاي (يوم مباراة الوداد ضد العين) وباش نربحو الماتش الأخير”.