الرئيسية > كود-تيفي > أليك بالدوين زاد حير كلشي: ماشي أنا اللي تيريت القرطاس من الفردي اللي قتل هالينا هتشينز – فيديو
03/12/2021 05:00 كود-تيفي

أليك بالدوين زاد حير كلشي: ماشي أنا اللي تيريت القرطاس من الفردي اللي قتل هالينا هتشينز – فيديو

أليك بالدوين زاد حير كلشي: ماشي أنا اللي تيريت القرطاس من الفردي اللي قتل هالينا هتشينز – فيديو

وكالات //

القضية ديال مقتل هالينا هتشينز، مديرة التصوير في فيلم “راست” (Rust) اللي من بطولة أليك بالدوين، مازال خالق الجدل.

الممثل أليك خرج بهاد التصريح فلقاء حصري مع قناة “ABC News” الميريكانية قال فيه أنه ماشي هو اللي تيرا القرطاس من الفردي وماشي هو اللي جبد القرص وزاد أكد أنه ما وجهش الفردي لحتى شي واحد من ليكيپ أصلا، في الوقت اللي المحققين خدامين باش يعرفو كيفاش تاوصل القرطاس الحي لوسط موقع التورناج.

التصريح ديال الممثل اللي بقا ساكت هاد المدة كاملة من بعد الفاجعة طرح بزاف ديال التساؤلات وخلا القضية تزيد تشبك، حيت مامعروفش شنو وقع فعلا وسط بلاطو ديال التورناج.

وها فيديو فيه مقتطفات من اللقاء ديال الممثل أليك بالدوين مع صحفي القناة الميريكانية جورج ستيفانوبولوس:

موضوعات أخرى

19/01/2022 22:00

المغربي اللي ربح جائزة “نازا” لتطبيقات الفضاء: استافدنا من المبادرات اللي تدارت لمحاربة النفايات البلاستيكية ودبا خدامين على تطوير مشروعنا فهاد الضومين