الرئيسية > آش واقع > “أليانس دارنا” تطوان باعت شقة مواطن بلا خبارو.. وخصّو بيسطون باش يرجّع فلوسو.. ! وها شنو دار..
08/11/2019 08:30 آش واقع

“أليانس دارنا” تطوان باعت شقة مواطن بلا خبارو.. وخصّو بيسطون باش يرجّع فلوسو.. ! وها شنو دار..

“أليانس دارنا” تطوان باعت شقة مواطن بلا خبارو.. وخصّو بيسطون باش يرجّع فلوسو.. !  وها شنو دار..

كود تطوان//

مواطن مغربي شرى شقة في مركب تابع لشركة “أليانس دارنا” في منطقة المضيق بتطوان، لقا راسو فالنهاية لا شقة.. لا فلوس.. !

المواطن شرى الشقة قبل سنوات، ودفع فيها قرابة 20 مليون سنتيم.. وفي الوقت اللي كان باغي يكمل الثمانية ملايين اللي باقية.. كانوا الشقق ما زال ما كملو.. إلى أن لقى الشقة ديالو تباعت بحجة أنه لم يكمل مبلغ 25 مليون.

المثير أن شركة “أليانس دارنا” فالمضيق باعت الشقة بلا خبار صاحبها.. والغريب أنه لم يتم إشعاره لا عبر الهاتف ولا عبر الإيميل.. وكل ما اعتمدت عليه “أليانس دارنا” هو تقرير من مفوض قضائي قال إنه لم يجد صاحب الشقة في منزله من أجل إشعاره بعملية البيع.. !

ما هو أكثر إثارة هو أنه بعد عملية البيع احتفظت الشركة بأموال الشقة، وهي أموال هذا المواطن، ولم تكلف نفسها حتى بإشعاره باش ياخذ فلوسو.. وبالصدفة فقط اكتشف المواطن أن شقته تباعت وفلوسو الله أعلم فين كاينين!

لكن القضية مازال فيها الإثارة. هاد المواطن ملي اختار في النهاية ياخذ فلوسو ويعطي التيساع لهاد الشركة، وبقا كيساين 3 شهور.. ومن بعد قالو ليه الفلوس والو هاد الساعة.. وسير قلب على شي بيسطون فكازا باش يردو ليك فلوسك..

قصة أغرب من الخيال.. لكنها حقيقية.. والمواطن قرر يتقدم بدعوى استعجالية أمام المحاكم باش هاد الحكاية يعرفوها المغاربة كاملين..

 

 

موضوعات أخرى

17/11/2019 14:00

الناصيري غادي غير فالخسران قضائيا.. الاعتراض على مالانگو.. والرجاويين مطلعينها على رئيس الوداد اللي كيضيع فلوس الأحمر فالمحاكم

17/11/2019 12:30

خاص. حكومة الكفاءات زايدة فالفرشة. اقالة عبيابة قربات: مشى لموريتانيا وما جبدش الملك وغلط فاسم الرئيس وشوه فالبرلمان