كود ـ سبور//

أكد الإسباني تشابي ألونسو مدرب باير ليفركوزن الألماني، أن الإصابة ديال الدولي المغربي أمين عدلي ما ساهلاش، بعدما توعت البارح الاربعاء فماتش الفريق ضد بريست الفرنسي فالشومبيونزليگ.

وتكلم تشابي ألونسو مدرب ليفركوزن وقال فتصريح على الحالة الصحية ديال أمين عدلي للموقع الرسمي للنادي: “توعت أمين عدلي فلاشوفي وكلشي شاف كيفاش غوت حيث كان كايتألم ملي تصاب، ما كايبانش أنه بخير وحالتو ما ساهلاش، وخاصنا نتسناو نتائج الفحوصات”.

وتوعت أمين عدلي بعدما دخل كبديل فالشوط الثاني بين باير ليفركوزن وبريست، بعدما ضربو واحد من لاعبي الفريق الفرنسي وخرج حيث ما قدرش يكمل الماتش.