كريم الصوفي – كود //
[email protected]

سلمات السلطات الألمانية مؤخرا للمغرب مطلوب دوليا كيحمل الجنسية المغربية بسباب النصب والاحتيال على عشرات المغاربة اللي بغاو يهاجرو ليها ويخدمو فيها. هاذ النصاب اللي كيقدم راسو بصفتو وسيط في عقود العمل، كان كياخذ ما بين 1500 و 9000 يورو مقابل كونطرات ديال الخدمة أو تأمين إعانة بطالة شهرية ب 1100 يورو لمدة 3 سنوات.

وقالت تقارير إخبارية، أن عشرات الضحايا دفعوا أموالا طائلة لهاذ النصاب من أجل تحقيق حلمهم، قبل اعتقاله وتم ترحيله من ألمانيا، بعد ثبوت تهمة النصب والاحتيال في حقه وف المغرب لقى في انتظاره الضحايا ديالو اللي وضعوا بزاف ديال الشكايات لدى السلطات المغربية، من أجل اعتقاله واسترجاع أموالهم.