الوالي الزاز -كود- العيون////

[email protected]

دافع وزير الشؤون الخارجية الإسبانية، خوسيه مانويل ألباريس على العلاقات مع المملكة المغربية فالجلسة ديال مراقبة الحكومة فالكونگرس الإسباني البارح الاثنين.

ورد خوسيه الباريس على مجموعة من الاستفزازات ديال السيناتورة من الحزب الشعبي إيزابيل مورينو محمد، واللي حاولات تحرجو بسباب التقارب بين مدريد والرباط فاش قالت إن السياسية الخارجية الإسبانية كتحدد فالرباط، وأن الحكومة خاضعة للمغرب، وأنها ما مسوقاش لقضية سبتة ومليلية وجزر الكناري.

وجاوب خوسيه مانويل ألباريس على هاد الإستفزازات بالقول إن الحزب الشعبي الإسباني عندو “هوس عداء المغرب”، منتقدا طلب هاد السيناتورة منو أنه يوتر العلاقة مع المغرب.

وأضاف وزير خارجية الصبليون، أن إسبانيا والمغرب ملتازمين بتحقيق عبور شفاف ومنتظم للأشخاص والبضائع لمليلية وسبتة وهادشي عندو فوائد، مضيفا أن الحزب الشعبي الإسباني ما عندو حتى سياسة واضحة تجاه المغرب ولا أي دولة أخرى.