وكالات //

مات نهار الخميس 21 يوليوز، أكبر حيوان پاندا فالعالم، فعمرو 35 عام واللي كتساوي 105 دالأعوام فالحياة ديال بنادم.

حديقة “أوشن بارك” (Ocean Park) فهونكَ كونكَ قالت بللي دب الپاندا اللي سميتو “آن آن” (An An) كان مريض فإياماتو اللخرة ومابقاش كياكل، وواخا الرعاية وكانو مهلين فيه ومقابلينو مزيان باش يعاود يولي بيخير ويصح، ولكن فاللخر اضطرو باش يقتلوه ومشاو لاختيار “القتل الرحيم” حيت كان كيتعذب وحالتو الصحية دكَدكَات بزاف.

https://m.youtube.com/shorts/aNDXWWqvJvI
وبدا كيعيش هاد الپاندا العملاق فحديقة “أوشن بارك” من عام 1999، وقبل منو ماتت أكبر پاندا نتوة، كانت سميتها “جيا جيا” (Jia Jia)، واللي عاشت معاه فنفس الحديقة ف2016، وكان فعمرها 38 عام، وهوما بجوج كانو هدية من الحكومة المركزية الشينوية لهونكَ كونكَ.