وكالات//

ماتت الراهبة البرازيلية، إينا كانابارو لوكاس، اللي كانت أكبر معمّرة فالعالم حسب موسوعة غينيس ديال الأرقام القياسية، نهار الأربعاء اللي فات، وكان عندها 116 عام.

الموقع ديال “لونغيفي كويست”، اللي كيتكلف بتوثيق معلومات الناس اللي عاشو بزاف، قال بللي كانابارو تزادت نهار 8 يونيو 1908، وتوفات فالبرازيل وعندها 116 عام و326 يوم.

وفهاد الموقع، فالرثاء ديالها، قالو: “رغم أنها كانت كاتقول أن عيد ميلادها هو 27 ماي 1908، البحثات بينات بللي تزادت من بعد بـ11 يوم. ومن اللي كانت صغيرة وكانت ضعيفة، بزاف ديال الناس ما كانوش كيضنو أنها غادي تعيش”.

وكيما جاب الموقع، منين سولوها على السر ديال حياتها الطويلة، قالت بللي السر عند الله، وقالت: “الله هو اللي عاونني نعيش هاد السنين كلها. هو السر ديال الحياة. هو السر ديال كلشي”.

++