وكالات//

سرق واحد الشفار مجوهرات القيمة ديالها اكثر من 10 ملايين جنيه إسترليني (12.5 مليون دولار) في شمال غرب العاصمة البريطانية لندن .

وكتقول تقارير صحفية بريطانية إن هاد السرقة هي وحدة من أكبر السرقات على الديور في تاريخ البلاد.

فبيان ليهم، قالو البوليس ديال لندن إن الشفار دخل من الشرجم في الدوزيام إطاج مع الخمسة ديال العشية واستاغل أن ماليها مكينينش.

وسرق الشفار سيكان ديال اليد، القيمة ديالهم 150 ألف جنيه إسترليني، و15 ألف جنيه إسترليني ديال الفلوس و10.4 مليون جنيه إسترليني من الذهب لي مصنوع حسب الطلب”.

وزادو كيقولو إن المشتبه به “رجل أبيض في أواخر العشرينات من العمر ديالو” وكان وجهه مغطي وهو كيسرق.