وكالات//
فخطوة جديدة باش يفهمو أكثر البنية الخفية اللي كتنظم الكون، بدا فريق دولي من العلماء فبناء أكبر تلسكوب فلكي فالعالم، بهدف رسم خريطة دقيقة لما كيتعرف بـ“الشبكة الكونية” اللي كتربط المجرات ببعضها عبر الفضاء.
المشروع كيتسمى “موثرا”، وكيتم بناؤه حاليا فمرصد إل سوس فدولة تشيلي، ومن المنتظر يبدا الخدمة العلمية الكاملة ديالو مع نهاية سنة 2026.
العلماء كيأملو أن هاد التلسكوب يمكنهم من رصد الخيوط الغازية الخافتة اللي كتربط المجرات، وهي بنية كونية ضخمة يعتقد أنها كتعكس توزيع المادة المظلمة فالكون.
وعكس التلسكوبات التقليدية اللي كتعتمد على مرايا كبيرة لجمع الضوء، تلسكوب “موثرا” كيستعمل نظام فيه 1140 عدسة تليفوتوغرافية من صنع شركة كانون، كتخدم مع بعضها كنظام واحد، وكتعطي أداء عدسة كبيرة بقطر يقارب 4.7 متر.