وكالات//

فمنطقة نائية فكندا كاينة ظاهرة طبيعية فريدة كتجذب اهتمام العلماء والزوار، وهي “أوكار نارسيس للأفاعي” فمقاطعة مانيتوبا.

هاد المكان تسجل رسميا كأكبر تجمع للثعابين فالعالم.

كل شتاء كيتجمعو حوالي 100 ألف ثعبان من نوع “الرباط حمراء الجانب” داخل شبكة من الحفر الجيرية القديمة باش يهربو من البرد القارس.

هاد الكهوف الطبيعية تشكلات عبر ملايين السنين بفعل تسرب المياه، وكتوفر ملجأ تحت الأرض كيبقى فيه الدفء فوق الصفر حتى ملي كتنخفض الحرارة فالسطح حتى لـ30 درجة تحت الصفر.