كود ـ وكالات//

أكدات قناة “كان” الإسرائيلية ومواقع بحال Jerusalem Post وIsrael National News، أن أفيخاي أدرعي، المتحدث الرسمي باسم الجيش الإسرائيلي باللغة العربية، غادي يسالي خدمتو بعد ما دوز 20 عام فهاد المنصب.

أفيخاي أدرعي بدا مهمتو سنة 2005، وكان الوجه الإعلامي اللي كيتكلف بتوجيه رسائل ودعاية الجيش الإسرائيلي للعالم العربي، خصوصاً من مواقع التواصل الاجتماعي. ومورا سنوات طويلة فهاد الدور، قرر سالي خدمتو فهاذ المرحلة، وهاد القرار جا حسب الجيش فإطار “نهاية دورة الخدمة” ماشي كطلب شخصي رسمي منه، كيفما تروّج فبعض المواقع.

الجيش الإسرائيلي قال إن عملية اختيار اللي غادي يخلف أدرعي غادي تبدا خلال الشهور الجاية، ومازال ما كاين حتى اسم رسمي معلن.

بهاد الشكل، كيسالي أدرعي واحد المرحلة طويلة ديال التواصل الدعائي اللي كان فيها الصوت العربي ديال الجيش الإسرائيلي، وسط سياق سياسي وإعلامي متوتر فـالمنطقة.