الرئيسية > آش واقع > أفتاتي لـ”كود”: البام تخلق لاستدامة الفساد وهو يُساوي شخص واحد والخصومة ديالنا معه غادي تبقا إلى يوم البعث ومصير هاد الأداة الفاسدة هو مزبلة التاريخ
15/07/2020 08:00 آش واقع

أفتاتي لـ”كود”: البام تخلق لاستدامة الفساد وهو يُساوي شخص واحد والخصومة ديالنا معه غادي تبقا إلى يوم البعث ومصير هاد الأداة الفاسدة هو مزبلة التاريخ

أفتاتي لـ”كود”: البام تخلق لاستدامة الفساد وهو يُساوي شخص واحد والخصومة ديالنا معه غادي تبقا إلى يوم البعث ومصير هاد الأداة الفاسدة هو مزبلة التاريخ

كود كازا//

هاجم عبد العزيز أفتاتي، القيادي البارز في صفوف حزب العدالة والتنمية، المشروع اللّي جا بيه حزب الأصالة والمعاصرة من انهار اخرج للوجود، مؤكدا في تصريح لـ”كود”، أن البام يساوى الآن شخص واحد لا غير وهذا مخالف للقانون التنظيمي.

وقال أفتاتي: “البام عبارة عن شخص جراء التيه اللي كيعاني منو، والأصل التجاري ديال البام موجود في جهة أخرى. هاد الكائنات اللي كاينة دبا فالبام لا تملك قرارها، وهاد الأداة الفاسدة التسلطية مزال موضحات الترتيب ديالها”.

وتابع أفتاتي: “هاد الأداة  أسست من أجل العدوان على المجتمع وليس على العدالة والتنمية، والعدوان على المجتمع ومؤسسات المجتمع، وكذلك المؤسسات السياسية، وخروج البام للوجود كان في الأصل بشكل “عدواني” والتسلط واستدامة الفساد، ولا يمكننا التفاهم مع هذه الأداة”.

وأضاف القيادي داخل حزب “المصباح”، قائلاً: “وهبي لا يملك القرار بنفسه وبالرغم من الخلاف داخل الحاضرة لا أحد يجرؤ على الخروج من الحاضرة لأنهم يعلمون أن حدودها موجود في جهة أخرى”.

وأوضح: ” اللقاء اللّي دار وهبي مع العثماني كان الغرض منه فقط أجندة ديال شي شخص وصافي، لكن اللقاء لا يسمن ولا يغني من جوع ومعندو حتى شي قيمة حقاش هاد الأداة المصير ديالها الحقيقي هو مزبلة التاريخ، ويجيب التعجيل بدفن هذه الأداة. كما يقول المغاربة إكرام الميت، التعجيل بدفنه”.

وواصل أفتاتي هجومه على “البام” بالتأكيد: “الناس منساوش شنو دار البام شنو دار فـ2009 أو فـ20 فبراير، ويستحيل ينساو الناس شنو دارت هاد الأداة فالمغاربة. البام جريمة سياسية، ومكاينش تحالف معه ولن يكن على الاطلاق. ويستحيل يكون”.

وزاد موضحا: “حنا حزب معندوش مصالح خاصة، و”المصباح” مرتبط بالأجندة الوطنية اللي خدامة على الانتقال الديمقراطي وإنهاء الفساد، لكن البام أسس للحيلولة دون الانتقال الديمقراطي واستدامة الفساد، ونحن في خصومة مع الجرار إلى يوم البعث وهادي هي الحقيقة هادي ومكاينش شي حاجة أخرى غيرها”.

موضوعات أخرى

14/08/2020 09:14

المغرب لعب دور فهاد العلاقات الاماراتية الاسرائيلية. نسيب ترامب وكبير مستشاريه تلاقى بمحمد بن زايد فالمغرب هادي عام. دابا واش الرباط غادية تكون هي الثانية بعد ابو ظبي وتفتح سفارتها فتل ابيب؟

14/08/2020 08:00

صحاب الدياليز كيعانيو مع كورونا.. شي مراكز دالتصفية كتتهرب من استقبالهم وكيلقاو صعوبة فولوج الخدمات الصحية.. والمرابط لـ”كود” : هذ الفئة عندها أولوية فالكشوفات على الفيروس.. واللي مصاب كيستفد من العلاج منعزل على لخرين