طنجة كود//

نشرت شركة الألبسة العالمية “إنديتكس” التي تضم ماركات عالمية مثل “زارا” و “ماسيمو دوتي” التي يمتلكها الملياردير الإسباني أمانسيو أورتيغا بلاغا قصيرا لكن ثقيلا، أعلنت فيه عن تبرعها ب 100 مليون يورو لضحايا “دانا” في فالنسية وباقي المدن المنكوبة.

أورتيغا، أغنى رجل في إسبانيا، معروف عليه ف بلادو كيدير الخير بزاف ومكيبغيش يبان، وجامي توقع شي كارثة فالبلاد ومايساهمش فيها، آخرها جائحة كورونا عاون فيها ب 82 مليار وشرا آلاف قنينات الأكسجين وأجهزة التنفس والناموسيات فالسبيطارات ووزع ملايين الكمامات بالمجان كان كيصنعها فالمعامل ديالو.

وبلا الكوارث، هاد الملياردير ديما كيعاون فالمشاريع الاجتماعية والتربوية والإنسانية وكيقدم مبالغ كبيرة للجمعيات الخيرية بلا ما يبان وبلا مايدير لا صداع ولا شوو ولا بروباغاندا، حيث داير داكشي منظم، أسس صندوق تابع للشركة وكلف مراتو تقابلو.