كود الحاجب//

جماعة سبع عيون بالحاجب غا تعقد يوم 17 مارس الحالي أغرب دورة استثنائية لإقالة 8 أعضاء، فيهم للي ما حضرش 10 دورات للمجلس بحال أحمد الكور للي سبق ليه ترأس الجماعة بإسم حزب الاستقلال وللي كانت المحكمة الإدارية سبق وصدرت فحقو حكم بالعزل ف 16 دجنبر 2024 (سبق ل” كود” نشرت خبر فالموضوع).

أحمد الكور كان يرلماني باسم البام وكان معروف عليه كثرة الترحال بين الأحزاب(كان فالحزب الوطني الديمقراطي ومشى للحركة الشعبية وبعهدها لحزب العهد وبعدو للبام وبعدو للاستقلال.. ) ، كيما معروف عليه كثرة الغياب عن أشغال البرلمان.

نهار 17 مارس فجماعة سبع عيون إذن غا نتابعو جميع صورة عن نموذج الاستهتار للي كاتعاني منو الديمقراطية فبلادنا بسباب نخب هي جزء من مشاكل التنمية عوض تكون وسيلة لإيجاد الحلول.