وكالات//
علنات شركة “BigHit Entertainment”، لي مكلفة بإدارة أعمال الفرقة الغنائية الكورية “BTS”، عن تعليق النشاط الفني ديال الفرقة حتى عام 2025.
وقالت الشركة في بيان ليها نشراتو في التويتر أن أعضاء الفرقة ما غاديش يكونو متاحين في العامين لي جاية بسبب أنهم غادي يمشيو لخدمة التجنيد الإجباري.
وكيفرض القانون في كوريا الجنوبية على كل رجل سليم عندو بين 18 و30 عام أن يلتحق بالخدمة العسكرية الإجبارية.
وقالت الشركة أن أعضاء الفرقة غادي يلتحقو بالخدمة الإجبارية بشكل فردي كيفما كيفرد عليهم القانون، هادشي علاش قررو أنهم يوقفو ويرجعو يتلاقاو في 2025.
وسبق للحكومة الكورية ناقشات موضوع إعفاء أعضاء كروب BTS من الالتحاق بالتجنيد الإجباري، لأنهم كيساهمو في انتشار الثقافة الكورية في العالم وهادشي كيعاون على انتعاش الاقتصاد.
وعللت الحكومة الكورية الموضوع أن بزاف ديال المشاهير العالم معفيين من الخدمة العسكرية الإجبارية، لكن في الأخير قررت أنها تخلي الموضوع في يد وزارة الدفاع لي قالت أنهم يدوزو التجنيد بحال المواطنين.
