الرئيسية > آش واقع > أطباء القطاع الخاص دارو راسهم رهن إشارة الدولة لمحاربة “كورونا”
29/03/2020 09:52 آش واقع

أطباء القطاع الخاص دارو راسهم رهن إشارة الدولة لمحاربة “كورونا”

أطباء القطاع الخاص دارو راسهم رهن إشارة الدولة لمحاربة “كورونا”

عفراء علوي محمدي- كود//

علنو نقابات أطباء القطاع الخاص، فبيان مشترك ليهم، بللي جندو جميع الآليات والإمكانات البشرية واللوجيستيكية باش يشاركو فالمخطط الوطني لليقظة ومحاربة فيروس “كورونا” المستجد (كفيد 19).

أطباء النقابات الأربع، واللي هي الجمعية الوطنية للمصحات الخاصة، والنقابة الوطنية لأطباء القطاع الحر، والنقابة الوطنية للطب العام، ثم التجمع النقابي الوطني للأطباء الأخصائيين بالقطاع الخاص، (الأطباء) أكدو بللي هوما مستعدين يواجهو هذ الأزمة، بتوجيهات الملك محمد السادس، وبإدارة قطب القيادة المركزي، مع الزملاء ديالهم فالقطاع العمومي والعسكري.

وعبرو الاطباء على رغبتهم فتلبية حاجيات المواطن المغربي فقطاع الصحة خلال هذ الأزمة، مع احترام جميع الشروط المعمول بها من طرف الدولة، وضمان الأمن الصحي للمرضى، كيف كيأكدو أن هذشي غيكون مع استمرار الخدمات الصحية الاخرى الاعتيادية، واللي غاتكون عن طريق الرونديفوات المتفرقة، والمريض خاصو يكون مرفق بشخص واحد إلى اقتضى الحال، كيف ضمنو الاستشارات الطبية عن طريق الهاتف مجانا، تجنبا للتجمعات.

والعيادات ديال القطاع الخاص كتعاود تاكد بللي واضعة رهن إشارة الدولة كَاع أسرة الإنعاش اللي عندها، وحتى الاطباء فاقسام الإنعاش مستعدين باش يعاونو الأطباء فالقطاع العام والعسكري فهذ الأزمة.

موضوعات أخرى

01/06/2020 00:00

من بعد ما القطاع الثقافي كلا الدق مزيان مع “كورونا”.. فدرالية الصناعات الثقافية: خاص يتعفاو الشركات الإبداعية من آداء الضرائب ويدار صندوق ينقذهم من البطالة

31/05/2020 21:00

بعد تدوينتها على الرسول… بوشكيوة: ماندماش ومانعتذرش حيت اللي قلتو موجود فكتب الفقه وما فيها حتى شي إساءة.. وماغانتابعش اللي هاجموني حيت هم ضحايا تفكير إرهابي متطرف قريب يزول