أيوب الطنطاوي-كود//

حذرو الأطباء الي كيشرفو على علاج الأطفال، الي كانو حاصلين وسط كهف ف”تايلاند”، وتم إنقاذهم هوما ومدربهم بعد معاناة طويلة، مات فيها واحد من المنقذين، من خطورة سفر هاذ الأطفال لروسيا، باش يتفرجو فالمباراة النهائية لكأس العالم 2018، بعد الدعوة  لي جات من رئيس الاتحاد الدولي لكرة القدم “فيفا” السويسري “جياني إنفانتينو”، لي جذباتو قصة الأطفال الـ12 ومعاهم العالم أجمع، ودعاهم يحضرو نهائي المونديال إذا قدرو يخرجو من الكهف قبل موعد إقامة المباراة، وهاذ الأطفال كينتاميو لأحد أندية كرة القدم فتايلاند.

وأكدو الأطباء بضروري بقاء الأطفال المذكورين فترة من الوقت فالمستشفى  من أجل مصلحتهم، ويكونو تحت الملاحظة والمتابعة الدائمة للاطمئنان على حالتهم الصحية، وقالو أنهم غادي يمكن ليهم يتابعو النهائي عبر شاشات التلفزيون وسط الغرف ديالهم  بالمستشفى، إذا كانو  غايبقاو فايقين حتال ال 10 ديال الليل بتوقيت تايلاند، لي هو موعد بث الماتش النهائي تما.