وكالات//

عرفات منطقة أوكالاما فالبيرو ظهور واحد الدار غريبة، كيتقال أنها الأضيق فالعالم، حيث العرض ديالها ما كيتجاوزش 63 سنتيمتر فقط.

هاد الدار صمّمها وكيملكها فابيو مورينو، وكتوجد مقابل الساحة الرئيسية، وبالرغم من الضيق ديالها، مبنية على جوج طوابق.

وحسب موقع أوديتي سنترال، الدار فيها جميع المرافق الأساسية: مطبخ، بلاصة للأكل، بيت النعاس، مكتب، وحتى مساحة للغسيل.

والتصميم الداخلي ديالها مبني على استغلال كل سنتيمتر، مع جوج دروج صغار كيربطو بين الطابقين، فمساحة بالكاد كتسع لشخص واحد.