كود -وكالات//

الفنانة أصالة نصري دارت حفلة كبيرة فـباريس نهار السبت لي فات، ولي حضرها جمهور كبير خصوصاً من الجالية المغربية  لي عايشة فأوروبا. هاد الحفل جا من بعد الغياب الطويل ديالها على المسارح فباريس دام قرابة 20 عام.

أكثر لحظة عجبات الجمهور ملي غنّات أغنية “هي هي” ديال الفنانة المغربية الحاجة الحمداوية، وقدرات تقدم التراث الشعبي المغربي بطريقة طربية ديالها، وخلاّت الجمهور يتفاعل معاها بزاف.

الحفل كان فيه ميكس بين الأغاني القديمة ديالها وأغاني الألبوم الجديد ديالها “ضريبة البعد”، وهاد الشي عطى تنوع فالموسيقى لي تقدّمات طول السهرة.

الأجواء كانت منظمة مزيان، والموسيقى كانت فيها مزج بين الآلات الشرقية والغربية، والجمهور بقى كيردد معاها وعايش مع الأغاني حتى سالا الحفل.

هاد الحفل كيدخل ضمن جولة فنية باغا منها أصالة ترجع تواصهال مع الجمهور ديالها فأوروبا.