كود ـ الرباط//

محمد شهاب أمين مال التعاضدية العامة لموظفي وزارة التربية الوطنية، وأمين مال الجامعة الوطنية للتعليم، والكاتب الجهوي ديال جهة كازا، قدم استقالتو.

توقيت الاستقالة كيطرح الكثير من التساؤلات. خصوصا وأنه حديث العهد بهاذ المسؤولية حينت خذاها هاذي 7 أشهر..

لي معروف أن ميلود معصيد الكاتب العام للجامعة الوطنية للتعليم، دار معركة ديال بصح باش يبقى شاد أمانة المال فالنقابة وفالتعاضدية وهاذ الشي نوض عليه صداع واش مكاين حد باش واحد يسير ميزانية ديال الملايير فالتعاضدية، وفنفس الوقت يبقى شاد النقابة ويتصرف ففلوسها.

مصادر من التعاضدية كتهضر على احتمال تكون هاذ الاستقالة تعبير عن نهاية التوافق بين معصيد وشهاب واللي سبق ليهم اختالفو على فكرة اقتناء عقارات لاستغلالها كمقرات للتعاضدية من مبلغ الـ100 مليار اللي غتاخذهم التعاضدية من الكنوبس واللي كانوا موضوع عقد قرض عطاه الرئيس السابق الراحل محمد غيور للكنوبس وهاذ المبلغ داير عجاجة فالتعاضدية.

المحتمل أيضا، أن دوافع الاستقالة المفاجئة لا علاقة لها بالأسباب الخاصة والظروف الشخصية، وهاد الفرضية يمكن تثبت أكثر فالقادم من الأيام، لأنه مستبعد بنسبة كبيرة تبان ظروف شخصية فهاذ الظرف القصير.. نتساينو ونشوفو.