كود سبور//

أكد إدريس مرباح الكاتب الإداري لنادي الوداد الرياضي أن الطاقم التحكيمي ديال ماتش الفريق ضد الهلال السعودي اليوم الاربعاء، برسم الجولة الثالثة من دور مجموعات كاس العرب، دار خطأ فادح كان من أسباب خسارة الفريق من غير عدم احتساب هدف مشروع للواك، وهذا الشي ساهم فإقصاء الفريق من المسابقة.

وبعدما سالا ماتش الوداد الرياضي والهلال السعودي بخسارة الفريق الأحمر، مشى كل من الكاتب الإداري للوداد إدريس مرباح والكابيتان د الماتش يحيى جبران، يديرو اعتراض عند حكم المباراة، حيث عطى 2 بطائق صفرا للاعب الهلال رقم 5 علي هادي البليهي، وإدريس مرباح الكاتب الإداري د الواك كيأكد وكيشدد على أن اللاعب المذكور خذا 2 صفرات فالماتش بدون ما يتطرد، حسب ما كينص عليه القانون.

وعبرت مكونات الوداد الرياضي بعد نهاية ماتش الفريق والهلال السعودي، وكيتقدمها المدرب عادل رمزي على احتجاجها القوي ضد المهزلة التحكيمية اللي عرفها الماتش، واللي كانت سبب فالخسارة بجوج لواحد، خصوصا وأن الحكم حيد هدف للواك كيبان مشروع من غير هذا الحادث ديال عدم طرد الحكم للاعب من الهلال خذا 2 صفرات، حسب ما كشف عليه الكاتب الإداري د الوداد إدريس مرباح.