كود سبور//

تبهدل فريق الرجاء الرياضي فعهد الرئيس المستقيل عزيز البدراوي، وصبحت لفضايح ديال الفريق العالمي كثيرة وما بقاتش حتى في فرق الهواة.

وفزمان الاحتراف لبس لاعب الرجاء محمد بوكاسي ضد اتحاد طنحة بتوني فيه اسم ماشي ديالو، وهو توني ديال اللاعب الجزائري اللي كان جابو عزيز البدراوي من البطولة العراقية وما لعب حتى ماتش مع الخضرا ووحل فالفريق، حيث مستواه ناقص وماشي ديال الرجاء، قبل ما تصيفطو إدارة الفريق للبطولة الفنلندية، مع العلم أن بولكسوت مول الرقم 27 فالتوني اللي مكتوب فيه “بوكاسي” خرج مطرود من الماتش ضد اتحاد طنجة بسبب تدخل خشن في حق أحد لاعبي الفريق الطنجاوي.

هذا الحادث الغريب ديال توني لاعب الفريق محمد بولكسوت كيزيد يشوه صورة الرجاء الرياضي، الفريق العريق، واللي كان دائما سباق للاحتراف والإنجازات، وكيفضح عزيز البدراوي اللي قدم الاستقالة وهرب من الفريق بعدما عرف راسو ما يقدرش يسير النادي.