كود -وكالات//

النجم النرويجي إيرلينغ هالاند لي حيح فمونديال مريكان معروف بالقوة البدنية ديالو والسرعة الكبيرة اللي كيتميز بها شي لي خلا بزاف ديال الناس يسولو أش كياكل هالاند؟

الإمكانيات ديال نجم الفايكينغ ما جاتش غير من التداريب، ولكن حتى من نظام غذائي كيعاونو يبقى محافظ على اللياقة ديالو طول الموسم.

هالاند كيركز بزاف على البروتين باش يبني العضلات ويعاونها ترجع قوتها، داكشي علاش كيفضل لحم البگري، والدجاج، والحوت، والبيض، وسلمون، وكياكل حتى الكاربوهيدرات الصحية بحال الروز، والبطاطا، والشوفان، باش يبقى عندو الطاقة الكافية فالتداريب والماتشات.

وزيد على هاد الشي، ما كينساش الخضرا والديسير اللي عامرين بالفيتامينات ومضادات الأكسدة، وكيشرب كمية كبيرة ديال الما باش يبقى جسمو مرطب. وفنفس الوقت، كيبعد على الفاست فود والموناضة.

وفشي تصريحات سابقة، قال هالاند باللي كيعجبو ياكل الكبدة والقلب، حيت فيهم الحديد وفيتامينات B ومعادن مهمة للجسم، وحتى الما اللي كيشرب، كيحاول يكون مصفي وكيهتم بجودة الماكلة اللي كيدخل لجسمو.

وبفضل هاد النظام الغذائي، مع التداريب القاصحة والنعاس مزيان، بقا هالاند محافظ على بنية جسدية استثنائية، اللي خلاتو واحد من أقوى وأخطر المهاجمين فالعالم.