وكالات//

فاجأ الملياردير الميريكاني MrBeast ولي هو أشهر وأكبر يوتوبر في العالم كامل، لي فان ديالو كاملين، بعدما علن الخطوبة ديالو من صاحبتو ثيا بوستن.

ونشر ميست بيست بزاف ديال التصاور لي كتوثق للحظة ديال الخطوبة ديالو، ولي كانت بسيطة بزاف، وكانت في النهار ديال عيد الميلاد.

في تصريح لمجلة “بيبل” المشهورة قالت بوستن: “سافرات عائلتي من جنوب إفريقيا باش تدوز عيد الميلاد معانا، وفين تجمعو العائلات بزوج  كنا كنحلو كادوات العائلات، وفين وصلات النوبة ديال الكادو ديالي قالي سدي عينيك، وكانت المفاجأة”.

من جيهتو، قال مستر بيست إنه فضل أن يجعل هاد الحدث حميمي وعائلي ومابغاش يدير شي حفلة كبيرة ولا شي حدث كبير على السوشيال ميديا كيفما كانو كيتوقعو لي فان ديالو.