كود – وكالات//

مازال كريستيانو رونالدو كيدير الانتباه ديال الناس، ماشي غير فالكورة ولكن حتى بالشكل ديالو اللي باقي شاب وخا العمر ديالو كبار، بزاف ديال الناس كيقولو ان السر فالتداريب والريجيم ، ولكن كاينين حتى أطباء تجميل كيشوفو الموضوع من زاوية أخرى.

طبيب تجميل فـنيويورك دار مقارنة بين الصور القديمة ديال رونالدو ودابا، وقال باللي كاين شونجمو كبير فملامحو و أول حاجة بانـت هي النيف، اللي ولا رقيق ومعدل أكثر من قبل، وهاد الشي كيشير أنه دار عملية تجميل ديال النيف،و حتى السنان تبدلو بزاف، حيث فالبداية كانوا ماشي مستفين، ودابا ولات الابتسامة ديالو كاملة منظمة، وهاد الشي غالباً جا من قشور تجميلية للأسنان.

ومن جهة أخرى، كاينة تسريبات على انه كيستعمل  البوتوكس والفيلر، خصوصاً حدّا العينين والجبهة، باش يبقى الوجه شاد راسو ومايبانوش  التجاعيد،أما الشعر فرونالدو حتى هو دخل لمجال زراعة الشعر وفتح كلينيك فمدريد، وهاد الشي خلا بزاف يشكو أنه حتى هو يمكن دار نفس العملية،

الحاصول خبراء التجميل كيقولو بلي رونالدو كيدير العمليات باش يبقا فالأضواء خصوصا وانهمطلوب كمادة إعلانية من عند بزاف دالشركات وخا عمرو هو شخصيا ما صرح بهاد شي لحد الان .