كود سبور//

كيواصل الدولي المغربي أشرف حكيمي المبادرات الإنسانية ديالو، بحال هاديك اللي كيدير مع الجمعية ديالو فالمغرب وإفريقيا، ودار اليوم الاثنين مع صاحبو الفرنسي كيليان مبابي وباريس سان جرمان مبادرة ففرنسا.

وأشرف حكيمي وكيليان مبابي ولاعبين ومسيرين باريس سان جرمان الفرنسي دارو زيارة للأطفال اللي مراض فسبيطار فالعاصمة الفرنسية باريس، ولعبو وضحكو معم فمبادرة إنسانية دخلو من خلالها الفرحة على البنات والدراري الصغار اللي الحالة الصحية ديالهم صعيبة بسبب المرض.

وكينشط أشرف حكيمي مزيان فالعمل الاجتماعي والإنساني، وعندو مؤسسة على الاسم ديالو هنا فالمغرب أسسها عام 2023، كيحاول من خلالها دعم الأطفال فحالة اجتماعية صعيبة سوا فالمغرب أو إفريقيا.