كود سبور//
كيواصل النجم المغربي أشرف حكيمي التألق ديالو مع باريس سان جيرمان الفرنسي، وضرب هدف واعر على بروسيا دورتموند الالماني اليوم الثلاثاء فدوري ابطال اوروبا.
وتمكن أشرف حكيمي من تعزيز النتيجة لباريس سان جيرمان، أمام بروسيا دورتموند الفريق سابق ديالو، وسجل الهدف الثاني للفرنسيين حتى لدابا فالماتش، بعدما دخل للكاري ودريبلا وضرب الكرة بليكسطيريور وماركاها فمرمى الفريق الالماني فالدقيقة 58.
باريس سان جيرمان الفرنسي متفرق حتى الان على بروسيا دورتموند الالماني فالماتش حتى لدابا، برسم الدورة الاولى من دوري ابطال اوروبا بنتيجة 2 لزيرو، ماركا الاول كيليان مبابي والثاني أشرف حكيمي.
