گود سبور//

طمن الدولي المغربي أشرف حكيمي الجمهور المغربي بخصوص الحالة الصحية ديالو، بعد الإصابة اللي تعرض لها قبل أسابيع واللي كاتهدد المشاركة ديالو مع المنتخب الوطني المغربي فـ كاس إفريقيا وعلى الأقل من بداية البطولة.

وخلال حوار له مع قناة “كنال بليس” الفرنسية، هضر أشرف حكيمي على الحالة الصحية ديالو، وقال: “دابا مزيان بزاف، الالتهاب نقص بزاف وكانحس بتحسن كبير، أنا متفائل ومركز وغانبقى خدام باش نكون واجد لكاس إفريقيا”.

أشرف حكيمي اللي تختار أحسن لاعب إفريقي لعام 2025، الأربعاء الماضي، كان تعرض لإصابة فـ الشوفيا، بعد تدخل قاصح من الكولومبي لويس دياز لاعب بايرن ميونخ الألماني، فـ ماتش ضد باريس سان جرمان الفرنسي.