كود سبور//
أعلن الرئيس الفرنسي إيمانويل ماكرون أن الأندية الفرنسية غاتخلي اللاعبين ديالها يشاركو مع منتخباتهم فأولمبياد باريس 2024، وهذا الشي كيعني أن النجم المغربي أشرف حكيمي بالإمكان ديالو يشارك مع المنتخب الأولمبي فهاد التظاهرة هو ولاعبين آخرين كيلعبو ففرنسا، في انتظار قرار باقي الأندية الأوروبية واش غاتخلي اللاعبين ديالها يشاركو او لا، وعلى رأسهم ريال مدريد الإسباني.
وطالب الرئيس الفرنسي إيمانويل ماكرون الأندية الأوروبية تخلي اللاعبين ديالها يشاركو فأولمبياد باريس 2024، وتمنى أن كيليان مبابي نجم باريس سان جرمان الفرنسي يشارك مع فرنسا فالألعاب الأولمبية وقالها للأب ديالو.
وفحوار دارو إيمانويل ماكرون مع La Tribune قال الرئيس الفرنسي: “كنتمنى أن الأندية الأوروبية تطلق اللاعبين ديالها كيفما دارت الأندية الفرنسية للمشاركة فأولمبياد باريس، راه هادي هي الروح الأولمبية”.
وكمل الرئيس الفرنسي، وقال: “تلاقيت مع والد مبابي وقلت له راه بغيناه يلعب معنا فأولمبياد باريس”.
