كود سبور//

صبح الدولي المغربي أشرف حكيمي مرشح باش يمشي من باريس سان جيرمان الفرنسي خلال المرحلة المقبلة، حيث ما بقاش مرتاح.

وكشفت جريدة “موندو ديبورتيفو” الإسبانية أن النجم المغربي أشرف حكيمي، عندو بزاف ديال الأسباب اللي تخليه يمشي من باريس سان جيرمان، حيث ما بقاتش عاجباه الحياة فباريس.

ومن بين هاد الأسباب، الأجواء المحيطة بباريس سان جيرمان نفسو، وهي سلبية حسب الجريدة، وكذلك قضية الاتهام ديالو بالاعتداء الجنسي على شي سيدة بفرنسا واللي متابع فيها من القضاء الفرنسي.