گود سبور//

أكد الدولي المغربي أشرف حكيمي أنه باقي مع باريس سان جرمان الفرنسي، عكس داكشي اللي راج بأنه باغي يرجع للفريق ديالو الأم ريال مدريد الإسباني.

وحسب جريدة “ليكيب” الفرنسية، فخلال حفل احتفال بارس سان جرمان بوصول أشرف حكيمي لـ200 ماتش مع الفريق، قال النجم المغربي وهو كايضحك أن المدير الرياضي، البرتغالي لويس كامبوس يوجد له كونطرا جديدة مع الفرقة.

أما جريدة “”Onze الفرنسية فاعتبرت أن هاذ الشي كايأكد أن أشرف حكيمي باقي مع باريس سان جرمان، ومحترم العقد ديالو مع النادي اللي فيه حتى لعام 2029.