گود سبور//
رجع الدولي المغربي أشرف حكيمي للتداريب مع الفريق ديالو باريس سان جرمان الفرنسي، بعدما غاب الأيام اللي فاتت بسبب الإصابة.
وحسب باريس سان جرمان، فأشرف حكيمي عندو برنامج باش يرجع يلعب، وفصباح اليوم الجمعة بدا كايدير تداريب فردية فالتيران.
وكان أشرف حكيمي توعت الويكاند اللي فات فماتش باريس سان جرمان ضد بريست فبطولة فرنسا، والإصابة جاتو فالفخذ.
وكاين أشرف حكيمي فلاليست المنتخب الوطني المغربي استعدادا للتوقف الدولي المقبل، اللي غادي يلعبو فيه الأسود مع كل من الگابون وليسوتو ضمن إقصائيات كاس إفريقيا 2027، وغانا فماتش اميكال، ايام 25 و29 سبتمبر و4 أكتوبر.
