كود سبور//

غايدخل النجم المغربي أشرف حكيمي لاعب باريس سان جرمان الفرنسي، حتى هو منافسات بطولة kings league، اللي كايشرف عليها النجم الإسباني جيرارد بيكي.

وكشفت مصادر “گود”، أن أشرف حكيمي قرر تأسيس فريق فبطولة kings league، ويكون هو الرئيس ديال هذا الفريق، بحال جيرارد بيكي والسويدي زلاتان إبراهيموفتش، خاص غير يكون مشارك معه فرئاسة الفريق صانع محتوى أو مؤثر بحال الشكل ديال الستريمر إلياس المالكي.

للإشارة فالمغرب كان ممثل فالنسخة الماضية من kings league بفريق إلياس الملكي، اللي جمع فيه لاعبين سابقين ديال الكورة العادية والفوتسال، وقدرو يوصلو للدومي فينال.