كود سبور//

قرر امين بنهاشم مدرب الوداد الرياضي، يدير تغييرات على الطاقم التقني للفريق الأحمر، اللي كان شكلو مع الرئيس هشام ايت منا ملي شد الفريق مؤقتا قبل شهر من دابا تقريبا.

وغايبدل امين بنهاشم المساعد الاول ديالو فالطاقم التقني للوداد الرياضي، يوسف اشامي بمساعد آخر مع الإبقاء على إبراهيم النقاش كمساعد ثاني، حيث بنهاشم باغي يدير مساعد من الاختيار ديالو هو، والمرشح لهذا البوسط دابا هو عبد الصمد الوراد، مع العلم ان اشامي كان ايت منا والمكتب ديالو اللي داروه كمساعد للمدرب الجنوب افريقي رولاني موكوينا.

وغايرجعو الوداد الرياضي يترينيو بداية الأسبوع الجاي، باش يوجدو لكاس العالم للاندية، وغايلعبو ضد كل من إشبيلية الاسباني وبورتو البرتغالي 2 ماتشات وديين يومي 27 و 31 ماي 2025، والمونديال غايبدا يوم 14 يونيو 2025.

وغايلعبو الوداد الرياضي فگروبات مونديال الاندية ضد كل من مانشستر سيتي النگليزي، ويوفنتوس الطالياني، والعين الاماراتي.