كود سبور//

باغيين ميلان الإيطاليي يرجعو الدولي المغربي براهيم دياز نجم ريال مدريد الإسباني لعندهم للفريق، ويلعب معهم خلال المرحلة المقبلة.

وكشفت جريدة “لاگازيتا ديللو سبورت” الإيطالية الشهيرة، أن فكرة رجوع الدولي المغربي براهيم دياز إلى ميلان الإيطالي كاينا عند النادي الطالياني، وخدامين عليها فالميركاتو الشتوي الجاي.

نفس المصدر، قال أن الوقت القليل اللي كايلعبو براهيم دياز فريال مدريد الاسباني، غايعاون ميلان باش يقنع اللاعب يرجع عندهم، بالإضافة إلى الاجواء اللي كاينة فالفريق الطالياني، اللي كايعتبرو دياز دارهم بعدما دوز معهم 3 سنين زوينة، ساهم فيها بعودة الميلان للتتويج ببطولة الطاليان والتوهج الأوروبي بالوصول للدومي فينال ديال شومبيونزليگ اللي بعدو عليها الميلان لسنوات.