كود سبور//
أكدو اللاعبين ديال المنتخب الوطني المغربي لكرة القدم داخل القاعة، أنهم واجدين لمواجهة منتخب تاجيكستان فأول مباراة عن دور المجموعات، وعبرو على أهمية هاد الماتش بالنسبة لهم وأنه الساروت ديال كوب ديموند إلى بغاو يمشيو مزيان فالبطولة.
وهضر سفيان بوريط لاعب المنتخب الوطني المغربي للفوتسال فتصريح للموقع الرسمي ديال الجامعة الملكي المغربية لكرة القدم وقال: “حنا واجدين لكأس العالم فأوزبكستان، وهادي مدة 3 أشهر وحنا كانوجدو لهاد التظاهرة، والمباراة الأولى هي ديما مفتاح البطولة وكانوجدو لمواجهة تاجيكستان اللي منتخب ماشي ساهل ولكن مع المدرب هشام الدگيگ خدامين وكانشوفو نقاط القوة والضعف ديالهم باش نكونو واجدين لهم، وحنا متفائلين وجاهزين لهذا الماتش”.
أما حارس مرمى المنتخب الوطني المغربي للفوتسال محمد شريدو، قال: “هذه مدة اكثر من 3 أشهر وحنا كناوجدو مع المدرب هشام الدگيگ لهاد لاكوب ديموند والاستعدادات دازت فأجواء مزيانة وتوفرت لنا جميع الظروف باش نديرو نتائج مزيانة فهاد المونديال، وهدفنا دابا هو الماتش الأول ضد تاجيكستان حيث هو الساروت اللي غايبين لنا الطراجي فهاد البطولة”.
