كود سبور- طشقند//

أكدو لاعبين المنتخب الوطني المغربي لكرة القدم داخل القاعة، أن الماتش ضد منتخب تاجيكستان برسم الجولة الاولى من دور مجموعات كاس العالم “أوزباكستان2024”، ما كانش ساهل، واخا ربحو بنتيجة 3 لواحد، وبلي حتى مستوى ليكيب ناسيونال ما كانش طالع فهاد الماتش، وغايصححو الأخطاء اللي دارو، باش يمشيو مزيان فالماتشات الجايين.

وقال سفيان المسارار لاعب المنتخب الوطني المغربي فتصريح له: “الماتش كان صعيب ضد منتخب قاصح ولعب قدام الجمهور ديالو بحالا لاعب فتيرانو، وقدرنا نربحو واخا النيفو ديالنا ما كانش هو هذاك، وغانخدمو ونصححو أغلاطنا باش نمشيو مزيان ولأبعد نقطة فالبطولة”.

أما الگول عبد الكريم أنبيا اللي خدا جائزة أحسن لاعب فالماتش، قال: “الماتش الاول ديما كايكون صعيب، ولكن قدرنا نربحو وناخدو 3 بوان بفضل الروح القتالية اللي لعبنا بها فالماتش كامل، ودابا غانبداو نوجدو لماتش بنما وهدفنا نربحو باش نلعبو ماتش البرتغال بلا ضغط”.