كود – كازا //

قلق وثائقي جديد نشراتو منصة “أسطول الصمود العالمي” (Global Sumud Flotilla) بزاف د المغاربة، بعدما تبنى الطرح الانفصالي فملف الصحراء المغربية،مني وصف الأقاليم الجنوبية بأنها “أرض محتلة من طرف المغرب”. هاد الشي لي خلا عدد من النشطاء والحقوقيين والسياسيين يطالبو المنصة بسحب الفيلم وتقديم اعتذار رسمي للمغاربة.

https://www.facebook.com/share/r/14osCpcgAYv/

المنصة نشرات فحساباتها الرسمية إعلان ترويجي لسلسلة وثائقية سميتها “One Struggle”، وقالت بلي غادي تسلط الضو على الروابط بين حركات المقاومة فالعالم، وغادي تبدا بأول حلقة مخصصة لقضية الصحراء المغربية.

وحسب  المنصة، الحلقة الأولى كتهضر على لي سماتو “الصحراء الغربية”، وكتدعي أنها “أرض تحت الاحتلال المغربي بدعم من حكومات قوية”، كما حاولات تقارن بين اللي سمتو “النضال الصحراوي” و”النضال الفلسطيني”، وكتقول بلي غادي ترجع للجذور التاريخية ديال “مقاومة الصحراويين للاحتلال”.

عدد من النشطاء اعتبرو أن المنصة مالت بشكل كبير للرواية الانفصالية، وعطات معطيات كتمس بالوحدة الترابية للمملكة ،خصوصا ان “أسطول الصمود العالمي”  كيتلقى دعم كبير من الكوفيين مغاربة وحتى عدد منهم سبق شاركو فأنشطتو.