وكالات//

توفى المغني الأمريكي سلاي ستون، اللي كان القائد ديال الفرقة الشهيرة “سلاي آند ذا فاميلي ستون”، عن عمر 82 عامًا. الوفاة ديالو جات بعد معاناة طويلة مع مرض الانسداد الرئوي المزمن ومشاكل صحية أخرى، حسب ما أعلنات العائلة ديالو فبيان رسمي.

نهار الاثنين، عائلة ستون خرجات بيان كتقول فيه: “بكل حزن، كنعلنو وفاة أبونا الحبيب، سلاي ستون، اللي توفى بسلام وهو محاط بولادو وأحبابو”. وأضاف البيان أن “الإرث الموسيقي ديالو غادي يبقى مصدر إلهام للأجيال اللي جاية”.

البيان وصف الراحل بكونو “شخصية بارزة ومبتكر رائد ف عالم الموسيقى، اللي عاود تعريف المشهد ديال موسيقى البوب والفانك والروك، و الأغاني المشهورة ديالو خلات بصمة ماغاديش تمحى من التاريخ الفني”.

سلاي ستون كان معروف بالأسلوب الفريد ديالو اللي خلط فيه السول، الفانك، الروك، وحتى السايكدليك، وخلق واحد الصوت جديد أثر ف بزاف ديال الموسيقيين من بعدو. الله يرحمو.